بیندور 16؍اکتوبر(ایس او نیوز) بیندور پولیس اسٹیشن کے حدود میں شیرور کیری کٹے کے قریب گائے چور ی کیے جانے کی خبر ملنے پر بیندور پولیس کے اہلکاروں نے فوری کارروائی کی اور جائے وقوع پر پہنچ کر فہد قاضی (19سال) نامی نوجوان کو گرفتار کرلیا ۔

پولیس کے بیان کے مطابق ایک ٹویرا کار بھی ضبط کرلی گئی ہے جو گائے چرانے کے لئے استعمال کی جارہی تھی۔ اس کے علاوہ مبینہ طور پر اس واردات میں شامل تین ملزمین موقع پر سے فرار ہونے میں کامیاب ہوگئے ہیں جن کی شناخت نعیم کنڈلور،عظیم بھٹکل اور افضال بھٹکل کے طورپر کی گئی ہے۔

بیندور پولیس اسٹیشن میں اس واردات سے متعلقہ کیس درج کرلیا گیا ہے۔